Putin Rusiya dağılmadan Ukraynadakı müharibəni dayandıra bilməyəcək - İDDİA

Putin sakitcə Trampla Ukraynada atəşkəsi müzakirə etməyə hazır olduğunu bildirib, lakin onun tələbləri real deyil.

Kremlin rəhbəri Vladimir Putin Rusiya üçün ciddi nəticələr olmadan Ukraynadakı müharibəni bitirə bilməyəcək. Ölkə daxilindəki siyasi ekstremistlər onun “əllərini bağlaya” bilərlər.

Lent.az-ın məlumatına görə, bu barədə ABŞ və Rusiyanın Yaxın Şərq və Cənubi Asiya ölkələri ilə əlaqələri üzrə ekspert və jurnalist Samuel Ramani “The Telegraph” üçün köşə yazısında qeyd edib.

O xatırladıb ki, Putin ABŞ-ın yeni seçilmiş prezidenti Donald Trampla Ukraynada atəşkəs razılaşmasını, o cümlədən münaqişənin dondurulmasını müzakirə etməyə hazır olduğunu səssizcə ifadə edib. Buna baxmayaraq, Kreml açıq şəkildə deyir ki, buna imkan verməyəcəklər.

Jurnalist həmçinin qeyd edib ki, Putin Türkiyənin Ukrayna ilə bağlı sülh planını rədd edib. Bu, mövcud hərbi əməliyyatların dondurulmasını və Ukraynanın ən azı on il NATO-ya üzv olmaqdan imtinasını nəzərdə tuturdu. Bundan əlavə, Ukraynanın şərqində hərbsizləşdirilmiş sərhəddə beynəlxalq qoşunların yerləşdirilməsi təklif olunub.

Ekspert hesab edir ki, Tramp inauqurasiyadan sonra Putinə də oxşar plan təklif edə bilər. Kremlin danışıqlara razı olması üçün ABŞ Putinin Ukraynanın zəbt etdiyi ərazilərinin Rusiya tərəfindən tanınması və daimi əsasda NATO üzvlüyündən imtinasını ehtiva edən maksimalist baxışı ilə razılaşmalı olacaq.

Digər bir "büdrəmə daşı" Kursk bölgəsidir. Armani qeyd edib ki, Putin bu regionu öz nəzarəti altına alana qədər sülh danışıqlarına getmək niyyətində deyil. O qeyd edib ki, Trampın Rusiya liderinin bütün tələblərinə razı olma ehtimalı azdır.

Jurnalist əlavə edib ki, Rusiya Federasiyası üçün diplomatiya psixoloji müharibə vasitəsidir və mümkün qədər çox hərbi uğurlara nail olmaq üçün vaxtı uzatmaq imkanıdır.

Ramani deyib ki, danışıqlar başlayan kimi Putin Ukraynanın ATACMS raket hücumlarını və Kursk bölgəsinin işğalını dərhal xatırlayacaq. Onun sözlərinə görə, Rusiya Ukraynanın birtərəfli güzəştlərə getməsini istəyir.

Putin üçün əsas problem müharibə bitdikdən sonra rus ultramillətçilərinin ona təzyiq göstərməsidir. Jurnalist qeyd edib ki, bu, dövlət çevrilişinə gətirib çıxara bilər və bu, Rusiya Federasiyasının rəhbəri üçün sərfəli deyil. Ona görə də o, Ukraynada döyüşlərini davam etdirir.