Səfər Əbiyev İşıq Koşanerlə görüşüb
02 noyabr 2009 16:00 (UTC +04:00)

Səfər Əbiyev İşıq Koşanerlə görüşüb

Noyabrın 2-də Azərbaycana rəsmi səfər edən Türkiyə Respublikasının Quru Qoşunları Komandanı ordu generalı İşıq Koşanerin müdafiə naziri general-polkovnik Səfər Əbiyevlə görüşü olub.

Bu barədə Lent.az-a Müdafiə Nazirliyinin mətbuat xidmətindən bildirilib. Heydər Əliyevin məzarını, Şəhidlər Xiyabanındakı Azərbaycan və Türk Şəhidliklərini ziyarət etdikdən sonra türkiyəli qonağın Müdafiə Nazirliyində təntənəli qarşılanma mərasimi keçirilib.

Türkiyə-Azərbaycan dostluğunun daim qorunub saxlanması və daha da möhkəmləndirilməsi tərəflərin geniş tərkibli görüşünün əsas mövzusu olub.

Hərbi-texniki əməkdaşlığın yeni inkişaf perspektivləri, Cənubi Qafqazda mövcud vəziyyət və Ermənistan-Azərbaycan Dağlıq Qarabağ münaqişəsinin həlli yolları barədə də fikir mübadiləsi aparılıb.

Görüşdə Türkiyə Respublikasının Azərbaycandakı fövqəladə və səlahiyyətli səfiri Hulisi Kılıç iştirak edib.
1 2 3 4 5 İDMAN XƏBƏRLƏRİ
# 2464

Oxşar yazılar