“Ermənistan Dağlıq Qarabağın müstəqilliyini tanısa, bu, birmənalı təcavüz hesab olunacaq”
22 oktyabr 2010 13:01 (UTC +04:00)

“Ermənistan Dağlıq Qarabağın müstəqilliyini tanısa, bu, birmənalı təcavüz hesab olunacaq”

“Ermənistan Dağlıq Qarabağın müstəqilliyini tanısa, bu, beynəlxalq hüquq baxımından böyük səhv olacaq”.

APA-nın xəbərinə görə, bunu jurnalistlərə açıqlamasında Azərbaycanın xarici işlər naziri Elmar Məmmədyarov deyib.
Nazir bildirib ki, hansısa ölkənin müstəqilliyi tanınanda, ilk növbədə, beynəlxalq hüquq baxımından hansısa sərhəd əsas götürülür: “Azərbaycanın müstəqilliyi keçmiş Azərbaycan Sovet Sosialist Respublikasının sərhədi çərçivəsində tanınıb. BMT bu çərçivəni qəbul edib. Dağlıq Qarabağ Azərbaycan Sovet Sosialist Respublikasının bir hissəsi idi. Bunu BMT-yə üzv olan bütün dövlətlər tanıyıb”.

E. Məmmədyarov deyib ki, əgər Ermənistan belə bir səhv etsə, Dağlıq Qarabağın müstəqilliyini tanısa, bu, birmənalı təcavüz hesab olunacaq.
# 551

Oxşar yazılar