“Müsavat Partiyasının MSK-ya adam göndərməsi sual yaradır”

“Referendum öncəsi Ümid Partiyasının seçki komissiyalarına nümayəndə göndərməsini bəhanə edərək, Respublika və Qarabağ Hərəkatını dağıdan Müsavat Partiyası bu gün Mərkəzi Seçki Komissiyasına (MSK), dairə və məntəqə seçki komissiyalarına nümayəndə göndərirsə, bu, sual yaratmaya bilməz”.

Bunu Lent.az-a açıqlamasında Demokrat Partiyasının sədri Sərdar Cəlaloğlu söyləyib.
Sərdar Cəlaloğlu deyib ki, bu sualın cavabını Müsavat Partiyası verərsə, ona da bu partiyanın davranışının mahiyyətində nə durduğu məlum olar: “Referendum öncəsi Ümid Partiyasının seçki komissiyalarında iştirakına görə elə bir Hərəkat dağıdıldı, hamıya çirkab yaxıldı. Yaxud 2005-ci ildə bu yana seçki komissiyalarının işində iştirak etməmək hansı arqumentlərlə bağlı idi və bu gün o arqumentlər necə dəyişib? Necə oldu ki, 5 il seçki komissiyaları boş qaldı, bu gün isə komissiyalara nümayəndə göndərirlər?! Müsavat Partiyasının MSK-ya adam göndərməsi parlamentdə yer əldə etmək üçün atılan bir addımdır. Bunun başqa heç bir izahı yoxdur”.

Ramiz