İşğal olunmuş Azərbaycan torpaqlarında narkotik qaçaqmalçılığı

“Bölgəyə növbəti səfərlərin birində bu məsələ ətrafında da söhbətlər aparacağıq”

“Azərbaycanın işğal olunmuş ərazilərindən qaçaqmalçılıq yolu ilə narkotik vasitələrin daşınması barədə məlumatlar tez-tez səslənir. Həmin nəzarətsiz ərazilərdən narkotik vasitələrin daşınması üçün tranzit məqsədilə istifadə edilməsi problemi mənə məlumdur. Bu ərazilərdə hər zaman qeyri-qanunsuz narkotika üçün şərait var”.

Lent.az-ın məlumatına görə, BMT-nin Narkotiklər və Cinayətkarlıq üzrə İdarəsinin (UNODC) mərkəzi Asiya üzrə regional nümayəndəsi Ceyms Kallahan jurnalistlərin suallarını cavablandırarkən belə deyib. Onun sözlərinə görə, təmsil etdiyi qurum BMT Baş Assambleyası və Təhlükəsizlik Şurasının bu məsələ ilə əlaqədar qəbul etdiyi bütün qətnamələri dəstəkləyir.

“Amma şəxsən mən işğal olunmuş Azərbaycan ərazilərindən narkotik maddələrin daşınması ilə bağlı Ermənistan hökuməti ilə danışıqlar aparmamışam. Lakin indi bunu soruşmağın vaxtı çatıb və çox güman ki, bölgəyə növbəti səfərlərin birində bu məsələ ətrafında da söhbətlər aparacağıq” – deyə, Ceyms Kallahan bildirib.

Elxan SALAHOV