Türkiyənin Gəncədə konsulu təyin olunub
18 avqust 2010 16:30 (UTC +04:00)

Türkiyənin Gəncədə konsulu təyin olunub

Gəncədə fəaliyyət göstərəcək Türkiyə Konsulluğunun rəhbəri Haluk Ağacan şəhər İcra Hakimiyyəti başçısı Eldar Əzizova təqdim edilib

Bu gün Türkiyənin ölkəmizdəki səfiri Hulusi Kılıc Gəncəyə səfər edib. Lent.az-ın Gəncəbasar müxbirinin verdiyi məlumata görə, səfir Gəncə şəhər İcra Hakimiyyəti başçısı Eldar Əzizovla görüşüb. Görüşdə Türkiyə və Azərbaycan arasında əlaqələrin əhəmiyyətindən geniş bəhs edilib.

Daha sonra Gəncədə fəaliyyət göstərəcək Türkiyə Konsulluğuna başçılıq edəcək Haluk Ağacan şəhər İcra Hakimiyyəti başçısı Eldar Əzizova təqdim edilib. Görüşdə Gəncədə Türkiyənin Konsulluğunun sentyabr ayında fəaliyyətə başlayacağı, ancaq bunun üçün hələlik binanın ayrılmadığı diqqətə çatdırılıb.

Vüsalə Cənnətova
# 532

Oxşar yazılar