Çin Azərbaycanın ərazi bütövlüyünü dəstəkləyir

Azərbaycanın xarici işlər naziri Elmar Məmmədyarov tranzit yol ilə ölkəmizdən keçən Çinin Xalq Respublikasının xarici işlər naziri Yanq Jieçi (Yang Yiechi) qəbul edib.

Bu barədə Lent.az-a Azərbaycanın Xarici İşlər Nazirliyindən (XİN) məlumat verilib. Görüş zamanı tərəflər Azərbaycan ilə Çin arasındakı münasibətlərin olduğunu qeyd edərək, əlaqələrin cari vəziyyəti və inkişaf perspektivləri ətrafında fikir mübadiləsi aparıblar.
Regionda cərəyan edən proseslərə toxunan nazir E.Məmmədyarov Ermənistan-Azərbaycan Dağlıq Qarabağ münaqişəsi haqqında məlumat vermiş və münaqişənin yalnız beynəlxalq hüquq norma və prinsipləri əsasında yalnız Azərbaycanın ərazi bütövlüyü çərçivəsində həll olunmasının mümkünlüyünü qonağın nəzərinə çatdırıb.

Cavab olaraq, Çinin Xarici işlər naziri ölkəsinin Azərbaycanın suverenliyi və ərazi bütövlüyünü daim və birmənalı olaraq dəstəklədiyini deyib.

Çin tərəfinə tutduğu mövqeyə görə minnətdarlığını bildirən E.Məmmədyarov qeyd etmişdir ki Azərbaycan Tayvanı Çin ərazisinin ayrılmaz biri hissəsi kimi tanıyır.

Görüşdə həmçinin qarşılıqlı maraq doğuran məsələlər ətrafında fikir mübadiləsi də aparılıb.