Miniatür sənətinin tədqiqi, təbliği və inkişafı Proqramı hazırlanır – FOTO
09 fevral 2011 12:28 (UTC +04:00)

Miniatür sənətinin tədqiqi, təbliği və inkişafı Proqramı hazırlanır – FOTO

Lent.az-ın məlumatına görə, müzakirədə nazir müavinləri Ədalət Vəliyev və Sevda Məmmədəliyeva, Azərbaycan Rəssamlar İttifaqının sədri, xalq rəssamı Fərhad Xəlilov, Müəllif Hüquqları Agentliyinin sədri Kamran İmanov, Azərbaycan Xalçası və Xalq Tətbiqi Sənəti Dövlət Muzeyinin direktoru Röya Tağıyeva, xalq rəssamları Altay Hacıyev, Arif Hüseynov və başqaları iştirak ediblər.


Əbülfəs Qarayev bildirib ki, miniatür sənətinin kompleks şəkildə tədqiqi, sənət tariximizin öyrənilməsi, Azərbaycan təsviri-sənətinin genetik əsaslarının müəyyən edilməsi, dünyada tanıdılması, gənc nəsil arasında təbliği, miniatür sənəti ənənələrinin müasir və gələcək təsviri-sənətdə yaşadılması, bu sənət növünün yox olub aradan çıxmasının qarşısının alınmasından ibarətdir. Nazir xüsusilə qeyd edib ki, müxtəlif incəsənət sahələri, xalq yaradıcılığı, folklor nümunələri ilk olaraq respublika daxilində inkişaf etdirilməli, sonradan isə dünya ictimaiyyətinin qarşısına çıxarılmalıdır: “Müxtəlif incəsənət növləri, eləcə də miniatür sənəti bir neçə il ərzində respublika daxilində elə tədqiq olunmalı, elə inkişaf etməlidir ki, sonradan onu beynəlxalq səviyyəyə də yüksəldə bilək. Bunun üçün bizim geniş imkanlarımız və mütəxəssislərimiz var”.


Miniatür sənətini əks etdirən slayd göstəriləndən sonra Mədəniyyət və Turizm Nazirliyinin hazırladığı müvafiq proqramın müzakirəsi jurnalistlərin iştirakı olmadan davam etdirilib.

Xəyalə Muradlı
1 2 3 4 5 İDMAN XƏBƏRLƏRİ
# 788

Oxşar yazılar