Meksikada deputatlığa namizəd Karlos Mayorqa çox qeyri-adi bir seçki kampaniyası təşkil edib.
Lent.az-ın xarici mediaya istinadla verdiyi xəbərə görə, siyasətçi kiçik vətəni Xuares şəhərində tabuta uzanıb. Tədbir, lazım olduğu kimi, həzin musiqi, çiçəklər və yas mərasimi kimi keçirilib.
Beləliklə, Mayorqa seçicilərə səlahiyyətlilərin həm "ölü şəhər"i və həm də bölgənin inkişafı ilə maraqlanmadığını göstərmək istəyib. Ancaq namizəd seçicilərin ona səs verəcəyi təqdirdə hər şeyin dəyişəcəyini vurğulayıb.
“Mən Karlos Mayorqayam və siyasətçilərin laqeydliyindən ölən Meksikanın Syudad-Xuares sakinlərindən bir milyon yarımdan biriyəm”, - meksikalı deyib.
Tədbirin sonunda o, tabutdan çıxıb və seçicilərə şəhəri dirildəcəyini vəd edib. Üstəlik, seçki vədlərini yerinə yetirmədiyi təqdirdə özünün diri-diri basdırılmasını istəyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
