Rəqqasə Fatimə hamıya yalan danışıb

Müğənni Elariz Məmmədoğlu rəqqasə Fatimə Fətəliyevanı yalan danışmaqda günahlandırıb. Lent.az-in məlumatına görə, sənətçi “Düzünü desək” verilişində “Göyçək Fatimə” ləqəbini ona özünün verdiyini bildirib: “15 il əvvəl çalışdığım restorana bir xanım gəldi ki, rəqqasə olmaq istəyirəm. Adını soruşdum, dedi “Fatimə Fətəliyeva”. Cavab verdim ki, gəl, sənə “Göyçək Fatimə” ləqəbini qoyaq. Toyların birində gördüm ki, plov gətirir. Onu “Göyçək Fatimə” kimi təqdim etdim. Həmin gündən adı elə qaldı. Bir gün “ATV Maqazin” verilişində ona sual verdilər ki, “Göyçək ləqəbini sizə kim verib?”. Həmin gün ad gününü qeyd edən sənətkarın adını çəkdi. Fatimə düz danışmadı. Sonra məclisdə üz-üzə gəldik. Soruşuram ki, “Yadında ilk dəfə sənə bu ləqəbi mən vermişəm. Niyə başqasının adını çəkirsən?”. Qayıtdı ki, “Onun ad günüdür da, nə edim?”. Fatimənin söhbəti mənə təsir etmişdi”.