Tanınmış telejurnalist Samirə Mustafayeva ANS TV-ə keçməsi ilə bağlı yayılan xəbərləri yalanlayıb. Lent.az-ın azvision.az-a istinadən xəbərinə görə, ATV-nin keçmiş aparıcısı başqa bir telekanala keçmək fikrində olmadığını deyib.
Telejurnalist bundan sonra fəaliyyətini dövlət qurumunda davam etdirəcəyini deyib:
“Mən dövlət qurumlarının birində vəzifə almışam. Sentyabrda vəzifəm təsdiqlənəcək. Hələlik işə hazırlaşıram”.
Jurnalist hansı dövlət qurumuna işə düzəlməsi ilə bağlı suala cavab vermək istəmədiyini deyib:
“İşə başlayanda bu barədə açıqlama verəcəyəm”.
S.Mustafayeva ATV-dən ayrılmasının Vaqif Mustafayevlə boşanması ilə əlaqələndirilməsinə də münasibət bildirib:
“Bu məlumatların onunla heç bir əlaqəsi yoxdur. Mən sadəcə işimi dəyişmişəm. İnsanlar şayiə yayıb, danışmağı üstün tuturlar. Reallığa baxmaq lazımdır”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
