Ulduzların  ən qeyri-adi   sevimliləri  -  FOTOLENT
01 dekabr 2021 19:19 (UTC +04:00)

Ulduzların ən qeyri-adi sevimliləri  - FOTOLENT

İt insanın ən yaxşı dostudur deyirlər, amma bəzi ulduzlar bununla razılaşmayacaq. Axı, bəzən məşhurlar ekzotik ev heyvanları saxlayır, onlarla xüsusi bir əlaqə qurmağı bacarırlar.

Lent.az xarici mediaya istinadla bildirir ki, noyabrın 30-da ev heyvanları sahibləri Ümumdünya Heyvanlar Gününü qeyd ediblər. Bu münasibətlə ulduzlar  və heyvanlar arasında dostluğun ən qeyri-adi və sevimli nümunələrini təqdim edirik.

Məşhurlar və kiçik donuzlar

Bir zamanlar kiçik donuzlar saxlamaq bir neçə Hollivud ulduzu üçün dəbə çevrilmişdi və hamısı Paris Hilton sayəsindəydi.

2009-cu ildə sarışın ulduz bütün dünyaya Şahzadə Piqlett adını verdiyi qeyri-adi bir ev heyvanını göstərib. Düzdür, zaman keçdikcə donuz çox böyüsə də, lakin sahibi ondan əl çəkməyib və qayğısına qalmaqda davam edib.
 
Ev heyvanlarının sahiblərinə oxşadığını söyləyirlər. Təəccüblü deyil ki, Meqan Foksun pərəstişkarları aktrisanı aslan və ya pantera ilə əlaqələndirirlər. Bununla belə, məşhur sürpriz etməyi bilir. Axı o, nə vaxtsa bir dəfə sahibi olduğu Vyetnam sallaqulaq donuzuna Piqqi Smols adlandırıb.

Yeri gəlmişkən, belə bir donuz it kimi gəzdirilə və ya tualetə getməyə öyrədilə bilər. Üstəlik, yemək məsələsində heç də şıltaq deyil.

Heyvan uzun müddət Meqanı sevindirib, amma sonunda donuzdan imtina etməli olub. Ulduzun sözlərinə görə, “Piqqi Smols cinsi aqressiyasını həddindən artıq göstərməyə başlamışdı".

Donuz müğənni Mayli Sayrusun da rəğbətini qazanıb. O, 2014-cü ildə Bubba Syu adını verdiyi miniatür donuz alıb. Ulduz ev heyvanını çox sevirdi və onu İnternetdə fəal şəkildə nümayiş etdirirdi. Maraqlıdır ki, 2015-ci ildə Mayli mini donuzla birlikdə bir jurnalın üz qabığı üçün şəkil də çəkdirib.

Qadın qəlblərinin fəthçisi Corc Kluni də bir vaxtlar mini donuz - Maks böyüdürdü. Sevimli donuzun sonradan böyüməsinə baxmayaraq, aktyor həmişə onun qayğısına qalır və onu gəzməyə aparırdı.

Kluni onunla 18 il yaşayıb. Maraqlıdır ki, Corc əvvəlcə onu sevgilisi üçün alıb, lakin o, heyvana o qədər bağlı olub ki, onu özü üçün saxlamaq qərarına gəlib.

Leonardo di Kaprio və tısbağa

Şübhəsiz ki, bir tısbağanın çox yaxşı bir akvariumda saxlanılan adi bir ev heyvanı ola biləcəyini söyləyəcəksiniz. Bəli, amma eyni sözləri aktyorun tısbağası üçün demək olmaz. Bir zamanlar məşhur sürünənlərin yetişdirilməsi üzrə mütəxəssislərin sərgisində iştirak etdikdən sonra 400 dollara heyvan alıb.

Təsəvvür edin, bir tısbağanın çəkisi 17 kiloqramdır və yaşadığı müddətdə 100 kiloqrama qədər çəki qazana bilər!

Nikolas Keyc və səkkizayaqlı ilbiz

Hollivud aktyoru təkcə ekstremal rollarda oynamır, həm də ekstremal sevimlilələrə malikdir. Əvvəlcə ulduzun evində iki kral kobra - Mobi və Şeba olub.

Lakin Keyc bununla da kifayətlənməyib və özünə 250 min dollara səkkizayaqlı ilbiz alıb. Nəhayət, molyuska satılmalı olub, çünki onu təmin etmək Nikolasa baha başa gəlirdi.

Kristen Stüart və canavar

Aktrisa təkcə “Alatoran” filmində deyil, real həyatda da canavarlara “sevgisi” ilə məşhurlaşıb. Belə ki, aktrisa evdə əsl metis canavar və Cek adlı it saxlayıb.

Stüartın sözlərinə görə, onun ev heyvanı yaxşı xarakteri olub. Maraqlıdır ki, Cek hətta verilişlərin birində aparıcı ilə birlikdə çəkilərək televiziya ulduzuna çevrilib
 
 

# 2145
avatar

Oxşar yazılar