Polis tanınmış aktyorun evinə basqın etdi – SƏBƏB

Los-Anceles polisi şikayət əsasında dünya şöhrətli kanadalı aktyor Kianu Rivzin evinə basqın edib.

Lent.az xarici mətbuata istinadən xəbər verir ki, basqına səbəb 27 yaşlı qadının itkin düşməsi ilə bağlıdır.

Polisə şikayətçi olan şəxs təsadüfən Keanu Rivzinin evinin adresini verib. Ancaq axtarış zamanı itkin düşmüş qadının aktyorun evində olmadığı məlum olub. Rivzi yoxa çıxan qadını tanımadığını və haqqında heç nə bilmədiyini deyib.

Daha sonra məlum olub ki, şikayətçi vətəndaş səhv ünvanı verib. Həmin şəxsin bunu bilərəkdən yoxsa təsadüfən etdiyi bilinmir.

Faktla bağlı araşdırılma aparılır.

Qeyd edək ki, kino sektorunda aktyorluğu çox bəyənilən Keanu Rivzi, insanlığı ilə də həmişə böyük rəğbət qazanıb. Belə ki, baş verən hadisə zamanı aktyorun polislərlə son dərəcə nəzakətli davrandığı və evində axtarış aparılarkən heç bir problem yaratmadığı öyrənilib. Onun bu sadəliyi sosial platformalarda insanlar tərəfindən alqışlanıb.