Özcan Denizdən adaxlısına ATƏŞLİ SÜRPRİZ: "Qəmzəsinə yandığım..." - FOTO

2019-cu ildə qalmaqallı şəkildə boşanan müğənni Özcan Deniz özündən 22 yaş kiçik Samar Dadgarı ilə sevişir.

Lent.az xəbər verir ki, Özcan Deniz sevgilisi üçün doğum günü sürprizi etməsi ilə diqqət çəkib.

Samarın doğum günü münasibətilə paylaşım edən Özcan "Yaxşı ki, gəldin. Sən gəldin, şəhərə bir film gəldi. Mən yeniləndim, buludlar getdi. Bir gözəl meşə oldu yazılarda... İqlim dəyişdi, Akdeniz oldu. O əvəzolunmaz, sevgi dolu qəlbində sağaltdın toxunduğun hər şeyi... Yaxşı ki, doğuldun nağılımın şahzadəsi. Gözəl gülüşlüm, qəmzəsinə yandığım", - sözlərini yazıb.

Bu paylaşıma reaksiya verən Samar isə sevgilisi tərəfindən verilən sürpriz tortunun görüntülərini "Doğum günü sürprizim" kiçik qeydini yazaraq "Instagram" hesabında paylaşıb. Daha sonra o, Özcanla qucaqlaşdığı anları paylaşaraq "Təşəkkür edirəm, sevgilim, yaxşı ki, varsan" yazıb.

Xatırladaq ki, Fahriye Evcenlə münasibət yaşayıb daha sonra Feyza Aktanla 2018-ci ildə evlənən Özcan Deniz 2019-cu ildə boşanıb. Onun bu evlilikdən Kuzey adlı bir oğlu var.

Qeyd edək ki, Özcan Deniz "Su ve ateş", "Evim sensin" kimi filmlərdə baş rol ifaçısı olub.