Rəqqasə Məryəm ana oldu

Azərbaycanın əməkdar artisti, rəqqasə Məryəm Süleymanova bir neçə gün öncə dünyaya gətirdiyi qızı ilə birlikdə bu gün xəstəxanadan evinə qayıdır.

Lent.az-ın məlumatına görə, rəqqasə körpəsinə Aylin adını verib. 9 ayın tamamında dünyaya gələn uşağın çəkisi 3 kiloqramdır. Əməkdar artistin yaxınlarının Lent.az-a verdiyi açıqlamaya görə, körpə və ananın səhhəti normaldır.

Balaca Aylin Respublika Perinatal Mərkəzində iyunun 25-də dünyaya göz açıb.

Xatırladaq ki, rəqqasə Məryəm Süleymanova ötən il dekabrın 7-də mühəndis-memar İlkin Zamanovla ailə qurub.