“Ərzaq təhlükəsizliyi haqqında” qanunumuz olacaq
31 mart 2010 12:15 (UTC +04:00)

“Ərzaq təhlükəsizliyi haqqında” qanunumuz olacaq

Artıq bir sıra nazirliklər yeni qanun layihəsi barədə təkliflər hazırlayır

Milli Məclisdə “Ərzaq təhlükəsizliyi haqqında” qanun layihəsinin hazırlanmasına başlanıb. Yeni qanun layihəsi ölkədə ərzaq təhlükəsizliyinə nəzarət mexanizminin gücləndirilməsi, istehsalın təşkili və xarici investorların yerli bazarlarda iştirakını təmin etmək üçün hüquqi baza yaradır.

Kənd Təsərrüfatı Nazirliyindən Lent.az-a bildiriblər ki, qanun layihəsində ərzaq məhsullarının istehsalını artırmaq üçün bu sahələr üzrə spesifik xüsusiyyətlər nəzərə alınacaq. Belə ki, son illər inkişaf baxımından geridə qalan sahələrin dirçəldilməsi üçün sahibkarlara, xüsusən xarici investorlara cəlbedici şəraitin yaradılması nəzərdə tutulur.

Artıq qanun layihəsi ilə bağlı Kənd Təsərrüfatı Nazirliyi konkret təkliflər üzərində işləyir. Həmçinin İqtisadi İnkişaf Nazirliyi də bununla bağlı hazırlayacağı təklifləri Milli Məclisə təqdim edəcək. Yeni qanun layihəsində ən vacib məsələlərdən biri kimi xarici bazarlara çıxmaq üçün keyfiyyətli məhsul istehsalının stimullaşdırılması qaydaları əksini tapmalıdır.

Elxan SALAHOV
# 388

Oxşar yazılar