Apasport.az saytının məlumatına görə, ikinci matç günündə də iki qarşılaşma baş tutub.
Belə ki, “Bazel” İsveçrədə “Porto”nu qəbul edib. Portuqaliya klubu səfərdə sərfəli nəticə ilə qayıtmaq niyyətində idi. Hərəyə 1 top vuran komandalar meydanda “sülh bağlayıb” – 1:1.
Turnirin son qalibi “Real” isə Almaniyada “Şalke”nin qonağı olub. Ötən il keçirilən görüşlərdə üstün olan madridlilərin bu dəfə də Helzenkirxendə çətinlik çəkməyəcəyib. Hesabı 26-cı dəqiqədə Kriştianu Ronaldo açıb. Fasiləyə bu hesabla yollanan “Kral klubu” 79-cu dəqiqədə Marselo ilə fərqi artırıb. Matçda bundan başqa qol olmayıb və “Real” “Şalke”ni 0:2 hesabı ilə məğlub edib.
Qeyd edək ki, bir gün öncə PSJ “Çelsi” 1:1, “Şaxtyor” “Bavariya” ilə 0:0 hesabı ilə bərabərə qalıb.
Çempionlar Liqası
1/8 final, ilk oyunlar
18 fevral
“Bazel” (İsveçrə) – “Porto” (Portuqaliya) - 1:1
Qollar: Qonzales, 11 - Danilo, 79-pen
“Şalke” (Almaniya) – “Real” (İspaniya) - 0:2
Qollar: Ronaldo, 26, Marselo, 79