[b]“Rio-2016”: Cüdoçumuz Rüstəm Orucov yarımfinalda - YENİLƏNİB[/b]

Rüstəm Orucov 1/4 final mərhələsində Macarıstan təmsilçisi, 2012-ci il London Yay Olimpiya Oyunlarının gümüş mükafatçısı Miklos Unqvarını məğlub edib. Azərbaycan idmançısı yarımfinal mərhələsində Saqi Muki (İsrail) - Nikolas Delpopolo (ABŞ) görüşünün qalibi ilə qarşılaşacaq.

19:19

Cüdoçumuzun dörddəbir finaldakı rəqibi Macarıstan təmsilçisi Miklos Unqvarı olacaq.

Qeyd edək ki, Miklos Unqvarı “London-2012” Olimpiya Oyunlarının gümüş mükafatçısıdır.

19:05

Cüdoçumuz növbəti qələbəsini qazanıb. Tatami üzərinə çıxan Rüstəm Orucov 1/8 final mərhələsində Avstraliya idmançısı Jake Bensted üzərində ipponla qələbə qazanıb.

Təmsilçimiz dörddəbir finalda Miklos Unqvarı (Macarıstan) - Dex Elmont (Hollandiya) görüşünün qalibi ilə qarşılaşacaq.

17:43

Bu gün Rio-2016 Yay Olimpiya Oyunlarında cüdo yarışları davam edəcək. Apasport.az saytının məlumatına görə, milli komandamızın üzvü Rüstəm Orucov da tatami üzərinə çıxacaq.

73 kq çəki dərəcəsində mübarizə aparan Orucov mübarizəyə 1/16 final mərhələsindən start verəcək. Tiflis Qran-prisinin və son Avropa çempionatının qızıl medalçısı olan təmsilçimiz Didar Həmzəni (Qazaxıstan) sınağa çəkib. Görüş həmyerlimizin qələbəsi ilə başa çatıb. O, 1/8 finalda avstriyalı Jak Benstedlə münasibətinə aydınlıq gətirəcək.

Qeyd edək ki, millimiz Rioda 6 cüdoçu ilə təmsil olunsa da, onlardan artıq 2-si Orxan Səfərov (60 kq) və Nicat Şıxəlizadə (66 kq) mübarizəni medalsız başa vurub.