FİFA Qavinin zədəsinə görə "Barselona"ya  4 milyon avro   ödəyəcək
20 noyabr 2023 17:18 (UTC +04:00)

FİFA Qavinin zədəsinə görə "Barselona"ya 4 milyon avro ödəyəcək

"Barselona" futbol klubu 19 yaşlı ispaniyalı yarımmüdafiəçi Qavinin zədəsinə görə FİFA-dan pul təzminatı alacaq.

Lent.az bildirir ki, bu barədə “Mundo Deportivo” xəbər verir.

Qavi AVRO-2024-ün seçmə mərhələsində Gürcüstan yığması ilə heç nəyi həll etməyən qarşılaşmada (3:1) zədələnib. İspaniya artıq Avropa çempionatının final mərhələsindəki yerini təmin edib.

Mənbənin sözlərinə görə, “Barselona” klubu müdafiə proqramı çərçivəsində FİFA-dan ödəniş almalı olacaq. Kompensasiya oyunçunun zədələnməsindən sonra 28-ci gündə hesablanmağa başlayacaq və onun sabit maaşından asılı olacaq.

Bir futbolçunun zədələnməsinə görə təzminatın maksimum məbləği ildə 7,5 milyon avro və ya gündə 20,548 avrodur. Kataloniya klubuna ödənişlərin məbləği dekabrın 16-dan hesablanacaq.

Qavinin ön çarpaz bağının yırtıldığı təsdiqlənərsə, 6-8 ayı buraxacağı gözlənilir. Beləliklə, FİFA-dan təzminat məbləği 3 082 200 avrodan 4 315 080 avroya qədər olacaq.


 

1 2 3 4 5 İDMAN XƏBƏRLƏRİ
# 4392
avatar

Oxşar yazılar