Əsrin bombardir müdafiəçiləri - SİYAHI

XXI əsrdə il ərzində bütün yarışlarda ən çox qol vuran müdafiəçilərin adları açıqlanıb.

Apasport.az saytının məlumatına görə, siyahıya ingiltərəli Ceyms Tavernier və estoniyalı İqor Morozov başçılıq edir.

Tavernier ötən həftə “Reyncers”in heyətində “Sent-Mirren”lə matçda fərqlənərək, 2022-ci ildəki ümumi qol sayını 18-ə yüksəldib. Bununla o, əsrin ən məhsuldar müdafiəçisi olan Morozovun rekordunu təkrarlayıb. Estoniyalı mərkəz müdafiəçisi 2012-ci ildə hazırkı klubu “Levadiya”da olarkən rəqib qapılarına 18 dəfə yol tapmışdı.

Sadəcə, Tavernier daha çox beynəlxalq matç keçirdiyindən, ilk pillədə onun adı qeyd olunub. Maraqlıdır ki, o, 2020-ci ildə də 17 qolla yadda qalıb.

Yer	Futbolçu	İl	Klubu	Ölkəsi	Qol
1	Ceyms Tavernier	2022	“Reyncers”	İngiltərə	18
2	İqor Morozov	2012	“Levadiya”	Estoniya	18
3	Yan Hart	2001	“Lids”	İrlandiya	17
4	Nikolya Sançes	2019	“Monterrey”	Argentina	17
	Ceyms Tavernier	2020	“Reyncers”	İngiltərə	17
6	Keylor Soto	2019	“Perez Zeledon”	Kosta Rika	16