Səbaildə ev yanıb

Paytaxtın mərkəzində yanğın hadisəsi baş verib. Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, Səbail rayonunda vətəndaşa məxsus ümumi sahəsi 25 kv.m olan birmərtəbəli 2 otaqlı evin bir otağının yanar konstruksiyaları və ev əşyaları 12 kv.m sahədə, ona bitişik tikilmiş digər vətəndaşa məxsus ümumi sahəsi 80 kv.m olan birmərtəbəli 3 otaqlı evin dam örtüyünün yanar konstruksiyaları 2 kv.m sahədə yanıb. Hər iki evin qalan hissəsi yanğından mühafizə olunub. Yanğın saat 11:48-də yanğınsöndürənlər tərəfindən söndürülüb.