Şamaxıda yanacaqdoldurma məntəqəsinə basqın olub. Lent.az-ın Kanal S-ə istinadən verdiyi məlumata görə, dünən gecə Çıraqlı kəndinin yaxınlığında Qobustan rayon Təkləmirzəbaba kənd sakinləri Kərimov Bəkir və Dəmirov Razil soyğunçuluq ediblər. İçkili vəziyyətdə olan Bəkir və Razil xəncər və bıçaqla satıcıya hədə-qorxu gəlib və ona bir neçə zərbə endiriblər.
Satıcının əlindəki pulları və telefonu tələb edən soyğunçular məntəqəni yandıracaqları ilə hədələyiblər. Satıcı əlində olan 592 manat pulu onlara vermək məcburiyyətində qalıb. Bundan sonra hər iki şəxs ərazidən uzaqlaşıb. Ancaq çox keçmədən Şamaxı polisi cinayəti törədən hər iki şəxsi saxlamağa müvəffəq olub. Saxlanılan şəxslər törətdikləri əməli etiraf ediblər. Faktla bağlı Şamaxı RPŞ–nin İstintaq Bölməsində AR CM-nin 181.1 ci maddəsi ilə cinayət işi başlanılıb, ibtidai istintaq aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
