Qaxda avtomobil oğruları yaxalanıb.
APA-nın Şəki-Zaqatala bürosunun məlumatına görə, Qax rayonu Əlibəyli kənd sakini, 42 yaşlı Alik Xəlilov Qax rayon Polis Şöbəsinə müraciət edərək özünə məxsus “VAZ 21074” markalı 62 BX 527 dövlət nömrə nişanlı minik avtomobilinin oğurlanması barədə məlumat verib.
Qax RPŞ-nin əməkdaşlarının apardıqları əməliyyat-axtarış tədbirləri nəticəsində Alik Xəlilova məxsus avtomobili rayonun Qaxbaş kənd sakinləri olan 30 yaşlı İmeda Qamxaraşvili və əvəllər məhkum olmuş 27 ya Səbuhi Məmmədovun oğurlamaları məlum olub. Keçirilmiş tədbir nəticəsində hər iki şəxs tutulub, oğruladıqları avtomobil maddi sübut kimi istintaqa təhvil verilib.
Faktla bağlı Qax RPŞ-də istintaq tədbirləri davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
