İntihar edən vəzifəli şəxsə cinayət işi açılıbmış<span style="color:red;"> - AÇIQLAMA
23 sentyabr 2014 17:42 (UTC +04:00)

İntihar edən vəzifəli şəxsə cinayət işi açılıbmış - AÇIQLAMA

Göyçayda bələdiyyə sədrinin intiharı ilə bağlı maraqlı məqamlar üzə çıxıb. Lent.az-ın məlumatına görə, Göyçay rayon Polis Şöbəsinin müstəntiqi Saleh Muştaqov qaynar.info-ya bildirib ki, Qarabaqqal kənd bələdiyyəsinin sədri Mahmud Şıxməmmədovdan pul tələb olunması ilə bağlı yayılan məlumatlar əsassızdır: “Ona ağır maddə ilə cinayət işi açılıb və bu səbəbdən də intihar edib. İş Baş Prokurorluğun nəzarətindədir. M.Şıxməmmədovdan rüşvət istəniləməsi ilə bağlı iddialar əsassızdır. Onun barəsində Cinayət Məcəlləsinin 178.3.2 (külli miqdarda ziyan vurmaqla törədildikdə) maddəsi ilə cinayət işi başlanılmışdı. Cinayət işi Rayon Prokurorluğunda bu ayın 20-də başlanıb və polis şöbəsinə göndərilib. Onun intihar etməsi də bununla bağlıdır, çünki üstündə ağır maddə var idi”.

 

Baş Prokurorluğun mətbuat xidmətinin rəhbəri Eldar Sultanov isə bildirib ki, faktla bağlı Göyçay Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb: "İş üzrə müvafiq ekspertiza təyin edilib, ölümün səbəbləri istintaq yolu ilə araşdırılacaq”. 
 
Qeyd edək ki, bu gün səhər saatlarında Göyçayın Qarabaqqal kəndinin bələdiyyə sədri, 1954-cü il təvəllüdlü Mahmud Şıxməmmədov yaşadığı evin həyətindəki tövlədə özünü kəndirlə asaraq intihar edib.
# 2574
avatar

Oxşar yazılar