Paytaxtda 8 otaqlı ev yandı

Bakıda yanğın hadisəsi qeydə alınıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, yanğın Nizami rayonunda vətəndaşa məxsus ümumi sahəsi 540 (hər mərtəbəsi 270 m2) olan mansard tipli ikimərtəbəli 8 otaqlı evdə baş verib. Nəticədə evin mansardının yanar konstruksiyaları və içərisində olan əşyalar 60 m2 sahədə yanıb. Evin qalan hissəsi yanğından mühafizə olunub.