Maşını harda saxladığını unutdu, polisə şikayət etdi

Sumqayıt şəhər sakininin avtomobili tapılıb. Lent.az Daxili İşlər Nazirliyinin saytına istinadən xəbər verir ki, martın 29-da Sumqayıt şəhər sakini Rövşən Əliyev 4-cü PB-yə müraciət edib martın 29-na keçən gecə ona məxsus "VAZ-2106" markalı avtomobilin qaçırılmasını bildirib.

Avtomobil həmin gün Ceyranbatan qəsəbəsi ərazisində tapılıb.

Araşdırmalar zamanı məlumat təsdiqini tapmayıb, R.Əliyevin həmin gün sərxoş vəziyyətdə olduğundan avtomobili harada saxladığını unutması müəyyən edilib.