Elşad Ümid dəfn olundu - FOTO

Dünyasını dəyişən “Reytinq” qəzetinin əməkdaşı Elşad Ümid bu gün Xırdalan qəbiristanlığında torpağa tapşırılıb. Mərhumun qardaşı Lent.az-a bildirib ki, sonuncu dəfə Elşadla dünən axşam görüşübmüş:

“Çox pisəm. Allah heç kəsə bu cür tale nəsib etməsin. Qardaşım çox yaxşı insan idi. Axırıncı dəfə xəstəxanaya yanına getmişdim heç tanımadım. Çox arıqlamışdı. Hal-əhval tutdum. Daha sonra onunla sağollaşıb xəstəxanadan ayrıldığım zaman mənə əl uzatdı, “sağol qardaş” dedi. Görünür özü də hiss edirmiş ki, öləcək. Onun bu hərəkəti hələ də mənim yadımdan çıxmır. O, səhhətinə qarşı məsuliyyətsiz idi. Amma çox yaxşı insan idi. Heç kimlə işi olmazdı. Allah o dünyasını versin. Bizi yarı yolda qoyub getdi”.

Xatırladaq ki, 1 saylı Şəhər Klinik Xəstəxanasında müalicə olunan E.Ümid ağciyər pnevmoniyasından, Hepatit C-dən və sirrozdan əziyyət çəkirdi.

Qeyd edək ki, Elşad Ümid 1973-ci ildə anadan olmuşdu.

Allah rəhmət eləsin!