Dünən iki qəza baş verib: 2 nəfər öldü

Fevralın 16-da saat 8 radələrində Sumqayıt şəhərində yol-nəqliyyat hadisəsi baş verib.

Lent.az-ın Daxili İşlər Nazirliyinin saytına istinadən məlumatına görə, şəhər sakini Balaoğlan Məmmədov idarə etdiyi "KİA" markalı avtomobillə yolu keçən şəhər sakini, 85 yaşlı Seyidağa İsmayılovu vurub. Piyada hadisə yerində ölüb.

Sumqayıt ŞPİ tərəfindən araşdırma aparılır.

Bundan başqa, dünən saat 18 radələrində Qobustan rayonunun Şıxzərli kəndində İsmayıllı rayon sakini Ramil Vəliyevin idarə etdiyi "Ford-Tranzit" və Şamaxı rayon sakini Həmidpaşa Cəbrayılovun idarə etdiyi "Mercedes" markalı avtomobillər toqquşub. Nəticədə hər iki sürücü, habelə R.Vəliyevin sərnişini İkram Adıgözəlov xəstəxanaya yerləşdiriliblər. İ.Adıgözəlov orada ölüb, digərlərinə ilkin tibbi yardım göstərildikdən sonra buraxılıblar.

Baş İstintaq və Təhqiqat İdarəsi tərəfindən araşdırma aparılır.