4 nəfərin ölümünə səbəb olan qar uçqunu ilə bağlı RƏSMİ MƏLUMAT

Daxili İşlər Nazirliyi Lənkəranda baş vermiş dəhşətli hadisə ilə bağlı məlumat yayıb. Lent.az nazirliyin saytına istinadən xəbər verir ki, fevralın 23-də saat 12 radələrində Lənkəran rayonunun Orand kəndində yaşayan Əhliman Mustafayevin 3 otaqlı evi hündürlüyü 7 metr olan qar uçqununun altında qalıb və nəticədə evin 1 otağı dağılıb. Həmin otaqdan Ə.Mustafayevin arvadı Şövkətin, gəlini İlahənin, körpə nəvələri Zəhranın və Uğurun meyitləri çıxarılıb.

Araşdırma aparılır.