Bakıda ölümlə nəticələnən iki ağır yol qəzası baş verib. Bakı şəhər Baş Polis İdarəsindən Lent.az-a verilən məlumata görə, dekabrın 23-ü saat 10:40 radələrində Sabunçu rayonu S.Hüseyn küçəsində 1985-ci il təvəllüdlü Asif Nəsibov idarə etdiyi «Ford» markalı avtomobillə Bakı şəhər sakini, 1949-cu il təvəllüdlü Zülzər Useynovanı vurub. Piyada hadisə yerində ölüb.
Dekabrın 23-ü saat 12:40 radələrində isə Suraxanı rayonu Hövsan qəsəbəsində 1986-cı il təvəllüdlü Rəşid Abbasovun idarə etdiyi «VAZ 2121» markalı və 1958-ci il təvəllüdlü Əlihəsən Quliyevin idarə etdiyi «VAZ 2106» markalı avtomobillər toqquşub. Nəticədə Ə.Quliyev hadisə yerində keçinib, sərnişini 1987-ci il təvəllüdlü Ağa Paşayev isə xəsarətlə Kliniki Tibbi Mərkəzə daxil olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
