Bakıda 27 yaşlı oğlan bıçaqlandı

Bakıda 27 yaşlı oğlan döyülüb və bıçaqlanıb.

Lent.az-ın “report”-a istinadən xəbərinə görə, Hadisə Əlibəy Hüseynzadə küçəsi, ev 82-nin qarşısında baş verib.

Belə ki, Lənkaran rayon sakini 1989-cu il təvəllüdlü Elvin Abdullayev yaşadığı binanın həyətində Hüseyn adlı şəxslə mübahisə edib. Münaqişə zamanı E.Abdullayev döyülüb və bıçaq xəsarətləri alaraq xəstəxanaya yerləşdirilib. Onun vəziyyəti orta-ağır qiymətləndirilir.

Faktla bağlı araşdırma aparılır.