Astarada və İsmayıllıda yanğın olub

Astara rayonu Seləkəran kəndində vətəndaşa məxsus ümumi sahəsi 80 kv.m olan birmərtəbəli 3 otaqlı evin yanar konstruksiyaları və ev əşyaları yanıb. Lent.az-ın Fövqəladə Hallar Nazirliyinin rəsmi saytına istinadən verdiyi məlumata görə, yaxınlıqdakı tikililər yanğından mühafizə olunub. Digər hadisə İsmayıllıda baş verib. Belə ki rayon mərkəzində vətəndaşa məxsus ümumi sahəsi 24 kv.m olan mağazanın tavanı 1 kv.m sahədə yanıb. Mağazanın qalan hissəsi yanğından mühafizə olunub.