Azərbaycanda balıq tutumağa gedən uşaqlar qadın meyiti tapdı - YENİLƏNİB

Dünən Qax rayonunun Əlibəyli kəndi ərazisindən tapılan qadın meyitinin kimə məxsus olması hələlik məlum olmayıb. Lent.az xəbər verir ki, ilkin araşdırma zamanı ölən qadının 20-25 yaşlarında olduğu, bədənində bəzi xəsarətlərin olduğu üzə çıxıb. Onun Əlibəyli kənd sakini olmaması da dəqiqləşdirilib.

Bildirilir ki, dünən günortadan sonra kənddən keçən kanaldan balıq tutan uşaqlar suda qadın meyiti görüblər və bu barədə məlumat veriblər.

Hazırda araşdırmalar davam etdirilir.

*****

20:55

Qaxda çaydan naməlum qadın meyiti tapılıb.

Hüquq-mühafizə orqanlarından APA-nın Şəki-Zaqatala bürosuna verilən məlumata görə, bu gün saat 16 radələrində rayonun Əlibəyli kəndinə gedən yolun yaxınlığından axan çaydan 20-25 yaşlarında olan naməlum qadın meyiti tapılıb. Tapılan meyit ekspertiza olunmaq üçün Məhkəmə Tibbi Ekspertiza və Patoloji Anatomiya Birliyinin Qax rayon şöbəsinə verilib.

Hazırda Qax rayon Polis Şöbəsinin və rayon prokurorluğunun əməkdaşları qadının şəxsiyyətinin müəyyənləşdirilməsi və hansı şəraitdə ölməsi istiqamətində araşdırmalar aparır.