Dekabrın 19-da Şirvan şəhərinin 1 may küçəsində yerləşən ehtiyyat hissələri mağazasında bıçaqlanma hadisəsi baş verib. Hacıqabul rayonunun Rəncbər kənd sakini 28 yaşlı Şirəliyev Təbriz Aydın oğlu münaqişə zəminində həmkəndlisi və həmyaşıdı olan Xəlilov Gündüz Rəhim oğlunu bıçaqla vuraraq yaralayıb. Ağır yaralanan Gündüz Xəlilov Şirvan şəhər xəstəxanasına çatdırılıb. Xəstənin üzərində bir-neçə saat ağır cərrahiyyə əməliyyatı aparılıb. Reanimasiya şöbəsinə yerləşdirilən yaralının vəziyyəti orta ağırdır.
APA TV-nin xəbərinə görə, hadisəyə iki gənc arasında kök atmış namus məsələsinin yenidən baş qaldırmasının səbəb olduğu bildirilir. Bildirilir ki, Təbriz Şirəliyev bir müddət əvvəl həyat yoldaşından ayrılıb. Ailənin dağılmasına səbəb kimi keçmiş arvadının onu aldatması göstərilir. Təbriz Şirəliyev bu işdə Gündüz Xəlilovu günahkar sayır. Hadisəni törədən Təbriz Şirəliyev polis tərəfindən saxlanılıb.
Faktla bağlı Şirvan polis şöbəsi tərəfindən araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
