"Opel" yol kənarında dayanan "QAZel"i vurdu - ölən var

Dekabrın 9-da saat 05 radələrində Lənkəran rayonunun Şirinsu kəndində rayon sakini Anar Rəhmanov idarə etdiyi "Opel" markalı avtomobili yolun kənarında dayanan Astara rayon sakini Emin İbrahimova məxsus "QAZel" markalı avtomobilə vurub.

Lent.az-ın Daxili İşlər Nazirliyinin saytına istinadən verdiyi məlumata görə, nəticədə A.Rəhmanov hadisə yerində ölüb, 1 sərnişini xəstəxanaya yerləşdirilib. Baş İstintaq və Təhqiqat İdarəsi tərəfindən araşdırma aparılır.