Sevgilisinə görə ambulansı oğurladı

Təcili yardım maşınını oğurlayan Rsuiyanın Yekaterinburq şəhər sakininə hökm oxunub.

Lent.az yerli mediaya istinadla bildirir ki, hadisə Rijski zolağında baş verib.

İstintaqın məlumatına görə, sərxoş müttəhim həkimlərə müraciət edərək, bir gün əvvəl kəllə-beyin travması alan sevgilisinin köməyə ehtiyacı olduğunu bildirib.

Hadisə yerinə gələn mütəxəssislər lazım olan hər şeyi edib, bundan sonra xəstəni xəstəxanaya yerləşdirmək qərarına gəliblər. Kişi partnyorunu xəstəxanaya aparılarkən müşayiət etmək istəyib, lakin ona icazə verilməyib.

Onun narazılığı həkimlərlə mübahisəyə səbəb olub. Münaqişə zamanı kişi tapançaya oxşayan əşyanı çıxarıb. Sonra o, sürücünün oturacağına əyləşərək “24 saylı xəstəxana” dayanacağına gedib və avtomobili Rijski zolağı ilə Moskva küçəsinin kəsişməsində qoyub.

Məhkəmə onu təqsirli bilib və maaşının 15 faizi dövlətə tutulmaqla 2,5 il müddətinə məcburi əmək cəzasına məhkum edilib. Hökm qanuni qüvvəyə minməyib.