Nəsimi rayonunda yaşayış binasına bitişik obyektdə yanğın - YENİLƏNİB

Bakıda obyektdə yanğın söndürülüb.

Lent.az bildirir ki, bu barədə FHN-nin mətbuat xidməti məlumat yayıb.

Bakı şəhərinin Nəsimi rayonu, Hüseyn Seyidzadə küçəsində yerləşən beşmərtəbəli yaşayış binasına bitişik obyektdə baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri genişlənməsinə, o cümlədən binaya keçməsinə imkan vermədən qısa müddətdə söndürüb.

***

18:38

Nəsimi rayonu, “4-cü mikrorayon” dairəsi, Hüseyin Seyidzadə küçəsində baş vemiş yanğınla əlaqədar Mir Cəlal Paşayev küçəsi istiqamətində nəqliyyat vasitələrinin hərəkətinə məhdudiyyət tətbiq edilib.

Lent.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi (NİİM) məlumat yayıb.

***

Fövqəladə Hallar Nazirliyinin “112” qaynar telefon xəttinə paytaxtın Nəsimi rayonu, Hüseyn Seyidzadə küçəsində yerləşən obyektdə yanğın baş verməsi barədə məlumat daxil olub və dərhal əraziyə nazirliyin Dövlət Yanğından Mühafizə Xidmətinin qüvvələri cəlb olunub.

Lent.az bildirir ki, bu barədə FHN-nin mətbuat xidməti məlumat yayıb.

Hazırda yanğının söndürülməsi işləri davam etdirilir.

Əlavə məlumat veriləcək.

Nəsimi rayonunda obyektdə yanğın başlayıb - FOTO - YENİLƏNİB