Ukraynanın Xarkov şəhərində hərbi maşınları yandıran Milli Qvardiyanın əsgəri 6 il 6 ay müddətinə azadlıqdan məhrum edilib.
Lent.az yerli mediaya istinadla bildirir ki, 2024-cü ilin iyulunda Milli Qvardiyanın əsgəri telegram vasitəsilə onu hərbi maşınları yandırmağa dəvət edən naməlum şəxslə razılaşıb. Hər maşın üçün müttəhimə 1000 dollar vəd edilib.
Bununla da əsgər Xarkov ərazisində hərbçilərə məxsus üç avtomobili yandırıb.
Məhkəmədə hərbçi təqsirini etiraf edib. O deyib ki, 2024-cü il mayın 20-də ona verilən məzuniyyətdən sonra hərbi hissəyə qayıtmayıb.
Məhkəmə materiallarına görə, əsgər törətdiyi cinayət qarşılığında heç vaxt vəd olunan pulu almayıb.
Məhkəmə onu Ukrayna Cinayət Məcəlləsinin 194-cü maddəsi ilə 6 il 6 ay müddətinə azadlıqdan məhrum edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
