Yunanıstan hökuməti Manolada qəsəbəsinin yaxınlığındakı fermer təsərrüfatında baş vermiş güllələnmənin tezliklə araşdırılacağını vəd edib.
Lent.az-ın xarici informasiya vasitələrinə istinadən məlumatına görə, olay nəticəsində fermer təsərrüfatında çalışan 27 miqrant yaralanıb.
Əsasən Banqladeşdən olan 200-ə yaxın işçi əmək haqlarının verilməsini tələb edəndə briqada başçıları onları atəşə tutub.
Məlumatlara əsasən, çiyələk yığan mühacirlər 6 aydır əmək haqlarını ala bilmir.
Fermer istintaq çərçivəsində artıq həbs edilib.