Yarasa ifrazatı İngiltərədə qədim kilsəni dağıdır

Britaniyanın qədim kilsəsi və orada saxlanılan incəsənət əsərləri dağılır.

Lent.az-ın «BBC»-yə istinadən məlumatına görə, parlament üzvləri bununla bağlı hökuməti xəbərdar edib.

Buna səbəb kimi yarasaların ifrazatı göstərilir.

İngiltərə kilsəsi İctimai Palatasının təmsilçisi Toni Boldri qeyd edib ki, tarixi abidənin məhv olmasına səbəb ifrazatın tərkibindəki kimyəvi maddələrdir.

Boldrinin sözlərinə görə, kilsədəki rəsm əsərləri VIII Henrixin İslahat dövrünə aiddir. O, həmin əsərləri yarasaların sidiyi tərəfindən məhv edildiyini vurğulayıb.

Parlament üzvləri Britaniya hakimiyyətindən istəyib ki, yarasaların toplaşdığı yerin təmizlənməsi üçün icazə versin. Hazırda «gecə quşları» Avropa Birliyi qanunları tərəfindən qorunur.