Vahid Ələkbərov dar gün üçün nə qədər pul saxlayıb?

Forbes” jurnalı ehtiyat sərvəti çox olan rusiyalı milyarderlərin siyahısını açıqlayıb. Lent.az-ın aznews.az-a istinadən verdiyi məlumata görə, ümumi məbləği 35 milyard dollar təşkil edən bu vəsait ya bank hesablarında, ya “portfel” sərmayəsində saxlanır.

Siyahıda ilk yeri “Alfa qrup”un məşhur səhmdarı Mixail Fridman tutur. Onun 16,5 milyard dollarlıq sərvətindən 8,2 milyardı azaddır. İkinci yerdə “Oneksim”in sahibiMixail Proxorov dayanır. Onun hələlik sərf edilməsini gözləyən pulu 8,1 milyard dollar təşkil edir.

“Monako” futbol klubunun sahibi Dmitri Rıbolıvyevin də adı siyahıdadır. Mütəxəssislərin fikrincə, onun azad sərvətinin 7,4 milyard dollar hələlik gözləyir. Daha bir milyarder Viktor Vekselberqin isə 6,1 milyard ehtiyat pulu var. Qerman Han siyahıda 5 milyardlıq ehtiyatla sonrakı yeri tutur.

İlk onluğa bankir Serğey Popovun da adı daxil edilib – 4,4 milyard dollar. Roman Abromoviç isə 10,2 milyard dollarlıq sərvətindən 4,3 milyardını hələlik xərcləmək istəmir.

Siyahıda azərbaycanlı iş adamı, “Lukoyl”un sahibi Vaqif Ələkbərov da adı var. Həmyerlimiz 14,8 milyard dollarlıq sərvətindən 2 milyard dollarının hələlik heç nəyə sərf etmək niyyətində deyil.

Maraqlıdır ki, siyahı Rusiyanın ən varlı adamlarının siyahısı ilə üst-üstə düşmür. Məsələn, Mixail Fridman ən varlılar siyahısında Əlişir Osmanova uduzaraq ikinci yerdə dayandığı halda ondan daha ehtiyatlıdır. Mixail Proxorov isə ümumiyyətlə varlılar siyahısında onuncu yerdədir. Ancaq o da ehtiyat pul saxlayan varlılar siyahısına düşməyi bacarıb.