Türk gəmiçi Cəmil Çakır dünyanın ən dərin çökəkliyi hesab olunan Marian Çökəkliyinə düşüb.
Lent. az-ın Türkiyə mətbuatına istinadən verdiyi məlumata görə, Tayvandan Meksikaya gedən türk gəmisində işləyən Çakır dünən Sakit Okeanın Yaponiyaya aid hissəsində səyahət edərkən, Marian Çökəkliyinin olduğu ərazidə suya düşüb.
Səhər saat 9-da okeana düşən dənizçinin cəsədi axşam saat 9-a qədər axtarılsa da, tapılmayıb.
Bunun ardınca isə gəmi yoluna davam edərək, Meksikaya gedib. Dənizçinin ailəsi isə Türkiyə Xarici İşlər Nazirliyinə müraciət edərək, övladlarının ölümündə təqsirli şəxslərin olub-olmadığının araşdırılmasını istəyib. Faktla bağlı araşdırma aparılır.
Qeyd edək ki, 1995-ci ildə aparılan son ölçüyə görə, Marian Çökəkliyinin dərinliyi 10 min 916 metrdir. Çökəkliyin uzunluğu 2 min 542 kilometr, genişliyi isə 69 kilometrdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
