Səudiyyə Ərəbistanında təqvim islahatı

Gələn həftədən başlayaraq, Səudiyyə Ərəbistanında istirahət gününün vaxtı dəyişəcək. Lent.az-ın «İnterfaks»a istinadən məlumatına görə, bundan sonra ölkə vətəndaşları həftənin 5 və 6-cı günləri istirahət edəcək.

Xatırladaq ki, əvvəllər həftənin 4-cü və 5-ci günləri istirahət günləri sayılırdı.

Uyğun qərarı kral Abdulla iyunun 23-də imzalayıb. Sənəddə qeyd edilib ki, qərar ölkənin iqtisadi maraqları və beynəlxalq öhdəliklərə əsasən qəbul olunub.

Təqvimdə islahat bu il aprelində Məsləhət Şurasında (parlamentin səlahiyyətlərini təxminən daşıyan qurum) təklif edilib.

Mənbənin xatırlamasına əsasən, oxşar təşəbbüs hələ 2007-ci ildə irəli sürülsə də ondan imtina olunmuşdu. Bu təklif körfəz dövlətləri tərəfindən də dəstəklənib. Artıq bu ilin mayından Oman ona qoşulub.