Karles Puçdemon yanvarın 12-də İspaniyanın Kataloniya muxtar vilayətinin hökumət sədri vəzifəsini icra etməyə başlayıb. APA-nın “TASS”a istinadən verdiyi xəbərə görə, inauqurasiya mərasimində çıxışı zamanı 53 yaşlı Puçdemon vəzifəsini vicdanla icra edəcəyini və Kataloniya xalqının iradəsinə sadiq qalacağını vəd edib: “Bölgəyə xalqın etibar etdiyi vədlərini icra edə biləcək hökumət gərəkdir”.
Bundan əvvəl Kataloniya parlamentinin deputatları qarşısında çıxışı zamanı o “müstəqil Kataloniya dövlətinin” qurulması prosesinə başlamaq lazım olduğunu bildirib.
Əvvəllər Jiron şəhərinin meri vəzifəsində çalışmış Puçdemon bu ilin yanvarın 10-da Kataloniyanın baş naziri vəzifəsinə seçilib. Onun namizədliyini yerli parlamentin 135 deputatından 70-i dəstəkləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
