Aprelin 18-də axşam Ermənistanın hakim Respublikaçılar Partiyasının iclasında baş nazir postuna yenidən Tiqran Sarkisyan irəli sürülüb.
Lent.az-ın «Novosti Armenii»-ya istinadən məlumatına görə, ölkə başçısı müdafiə naziri Seyran Ohanyan və xarici işlər naziri Edvard Nalbandyanın öz postlarında saxlamaq qərarına gəlib.
Xatırladaq ki, 2012-ci ilin parlament seçkisindən sonra formalaşmış hökumət aprelin 9-da tam tərkibdə istefa vermişdi. Ermənistan Ana Yasasına əsasən, prezident 10 gün müddətinə yeni baş naziri təyin etməlidir. Hökumət isə baş nazirin təyinindən sonra 20 gün müddətinə formalaşmalıdır.