Rusiyanın Novqorod vilayətinin Luka kəndində psixonevroloji internatda baş vermiş yanğın nəticəsində 15 nəfərin öldüyü ehtimal olunur.
APA-nın məlumatına görə, bu barədə “RİA Novosti”yə vilayətin hüquq-mühafizə orqanlarından bildirilib.
“Yanan binada ilkin məlumata görə 37 nəfər olub, onlardan 22 nəfəri xilas etmək mümkün olub. Yanğın nəticəsində bina tam uçub, içəridə qalan 15 nəfərin öldüyü ehtimal olunur”, deyə mənbə bildirib.
Qeyd edək ki, yanğın yerli vaxtla 02.52-də baş verib. Yanğın 04.25-də 670 kv.m sahədə lokallaşdırılıb. Məlumata görə, hadisə nəticəsində müalicə korpusu tamamilə yanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
