Sabah səlahiyyətlərinin icrasına başlayacaq İranın yeni seçilmiş prezidenti Hasan Ruhani Tehranda Fələstin Günü ilə bağlı keçirilən mitinqdə çıxış edib.
Lent. az-ın İTAR-TASS agentliyinə istinadən verdiyi məlumata görə, Hasan Ruhani İsraili məhv etməyə çağırıb.
Hasan Ruhani İsraili İslam dünyasının bədənində bədxassəli şiş adlandırıb və bu şişin götürülməli olduğunu vurğulayıb. O, İsrailə qarşı siyasətin dəyişməyəcəyini bəyan edib. Hasan Ruhani İranın nüvə proqramı ilə bağlı daha böyük şəffaflıq nümayiş etdiriləcəyini söyləyib. Onun sözlərinə görə, beynəlxalq ictimaiyyətin İrana qarşı sanksiyaları əsassız və ədalətsizdir. Hasan Ruhani İranın hazırda uranın zənginləşdirilməsi proqramını dayandırmağa hazır olmadığını da bəyan edib, eyni zamanda BMT Təhlükəsizlik Şurasının üzvləri və Almaniyadan ibarət “beşlik”lə nüvə proqramı ilə bağlı danışıqları aktivləşdirmək niyyətində olduğunu dilə gətirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
