Aprelin 12-də Rusiya prezidenti Vladimir Putin və onun adminstrasiyasının əməkdaşları gəlirləri haqqında açıqlama yayıb.
Lent.az-ın «BBC»-yə istinadən məlumatına görə, 2012-ci ildə Krmelin indiki yiyəsinin 5 milyon 790 min 823 rubl gəliri olub. Bu Putin baş nazir olanda, 2011-ci ildəkindən iki milyon çoxdur. Onda baş nazir Putinin gəliri 3 milyon 66 min rubl olmuşdu.
Hakimiyyət nazirlər kabineti üzvlərinin də gəliri barəsində açıqlama təqdim edib.
Həmin vergi qətnaməsinə əsasən, baş nazir Dmitri Medvedevin gəliri 2012-ci ildə 5 milyon 814 min 351 rubl olub. 2011-ci ildəki gəlirindən bu, iki milyon rubl artıqdır.
Xatırladaq ki, onda Medvedev prezident idi.
Hökumtdə ən varlı adam, baş nazirin birinci müavini İqor Şuvalovdur. 2012-ci ildə onun gəliri 226,4 milyon rubl olub. Şuvalovun xanımı isə qətnamədə 222 milyon rubl gəliri olduğunu göstərib.