Pekin 20 uyğuru «terrorçuluqda» ittiham edib
28 mart 2013 01:25 (UTC +04:00)

Pekin 20 uyğuru «terrorçuluqda» ittiham edib

Çin hakimiyyəti illər uzunudur uyğur türklərinin milli haqlarının təmin olunması istiqamətində tələblərini güc tətbiqi ilə qarşılamaqdadır.

 

Rəsmi Pekin onların mücadiləsinə çeşidli ləkələr vuraraq, bu mübarizəni beynəlxalq ictimaiyyətə «islamçı», «terrorçu» hərəkat kimi təqdim etməyə çalışır.

 

Lent.az-ın «RİA-Novosti»-yə istinadən məlumatına görə, Uyğur muxtar rayonunun 20 sakini barəsində yerli məhkəmə 5 ildən başlayaraq, ömürlük azadlıqdan məhrumetmə hökmü çıxarıb.

 

Çinin dövlət informasiya agentliyi, «Sinxua» bildirib ki, həmin uyğur türkləri «terrorçuluq və separatçılıq fəaliyyətinə» görə ittiham olunub.

 

Martın 26-da Kaşqar dairəsində 19 nəfər «cib telefonları və elektron informasiya vasitələrindən terrorçuluq fəaliyyəti üçün istifadə etməkdə» və «dövlət sərhədini qanunsuz keçməkdə» mühakimə edilib.

 

Bayanqol – Monqol muxtar rayonundan olan daha bir «separatçı» isə 10 il müddətinə azadlıqdan məhrum olunub O, da oxşar ittihamla mühakimə edilib.

 

 

# 425
avatar

Oxşar yazılar