Obamanı Suriyaya görə impiçmentlə hədələyirlər

ABŞ Konqresinin respublikaçı üzvü Uolter Cons bildirib ki, əgər prezident Barak Obama Suriyaya qarşı hərbi əməliyyatlarda israr edərsə, o zaman ona qarşı impiçment məsələsinə baxılması mümkündür.

Lent.az-ın «interfaks»-a istinadən məlumatına görə, jurnalistin Suriyaya ABŞ ordusunu daxil olması ehtimalı ilə bağlı sualına cavabında o, deyib: «Çox böyük ehtimalla mən impiçmenti dəstəkləyəcəyəm».

Konqres üzvü əlavə edib : «Əgər Suriyaya ABŞ hərbçilərinin bir qrupu belə göndərilsə, o zaman konqresdə prezidentə etimadsızlıq təklifi gündəliyə çıxarılacaq».

Mənbə bildirib ki, ötən həftə Uolter Consun konqresə təqdim etdiyi qətnamə layihəsinə uyğun olaraq, konqresin razılığı olmadan Suriyaya ordu yeridilərsə, ona prezidenti impiçment təhlükəsi gözləyir.